Medienbildung 2

31Jan2018

Hüt gihds en neue Ihtrag ufgrund vo minere Studiewuche: Medienbildung 2 vode PHZH.

 

Im Ahang no paar vode Produkt woni ha müese erstelle... viel Spass!

 

 

Graduation ... Manly:)

17Dez2013

Hallo mitenand:)

wieder mal isch ziit extreem schnell verbii.. die letst schuel wuche isch verbi und mit dere hend sich auno die letste schüeler vode Navitas ide Welt verteilt Stirnrunzelnd aber alles mal langsam:)

zerscht chund no en iischub, es meeega tragisch's xD bild vom stereosonic wo de jouni grad gfuunde hed:D (v.l. Jonas, Carmen, Nina & Luca)

vorletst wuche isch s speaking gsi;) isch gaanz guet gloffe;) bin den das am abig ordentlich mit de nini go fiire will sie ihri ganze exams ah dem tag fertig gha hed;) sind zersch uf Kings Cross, dene zum Three Wise Monkeys gloffe und no ine 2 dollar bar wo sich als ned 2 dollar bar (7 dollar..:(( haha) usegstellt hed:D am schluss simer de im Chinese Laundry glandet, en gaanz tolle Cluub, seehr empfehlenswert.. (vertraued euisne empfehlige, ned dene vom schibli.. ihr werded no ghöre wieso:D) am sunntig sind de d nini und ich zum schibli, em däni und em rico (däni kolleg vode selc) an bronte beach chli go umeligge;)

und dann..

letst wuche isch gaanz schlimm gsi, de jouni und dnici hend ihri frei wuuche in neuseeland verbracht (während em wandere bruzelnd ade sunne;) und im hobbit-dörfli) während die beide CAE klasse ide schuel verschmoort sind:( d Meaveen (mini lehrerin) hed da no eis uf hardcore informatione ine quätsche gmacht vo morge bis abig.. aber zum glück isch ja d nini no ume gseh und hed mi immer zum zmittag und nach de schuel wieder abgholt, dasch min liechtblick gsi ih dere wuuche Zwinkernd am donnstig simmer de no s letst mal is Cock'n'Bull (gewohnte truppe), d nini und ich hend den dete no id nacht ine tanzd mitem pascal undem diogo (de ersti mensch woni überhaupt kennt han ide schuel, ha aber bis det immer gmeint er heisst gerrardo.. Verlegen jaja peinlich) wo beidi is general gönd:) und de isch den ergend einisch s CnB zuegange und mir hend müüse gaah, hend aber natürli no eis fescht gha mitem Security will de euis no vom mäntig kennt hed (ha mit de nini, em schibli, em däni und em mädi Spielabig gmacht:D)

am Fritig isch dene ääääääääändlich de letsti schueltag ufem programm gstande:D d Juliana (en mitschüelerin us brasilie) hed geburtstag gha, de heds zerschmal en haammer schoggitorte geh Cool und nacher hemer chöne gschänkli uspake vom wichtele;) han vode Meaveen ganz viel australischi trinkchüeler, es tshirt, es nakechüssi und en schlüssel ahänger becho:) meega herziig gsi. ich han em steven müese wichtele, isch schwer zum erchläre waser becho hed, aber es hed amel zu ihm passt Lachend dene hemer Graduation gha (nini, schibli und däni hend euis mit ihrere ahweseheit beehrt:D gaanz guet gsi:D mir hend s paar bilder gschosse und natürli euises zertifikat becho Cool und dene simer ab ines restaurant am bondi beach go zmittag esse, beidi CAE klasse zeme:) de Meaveen hemer als abschlussgschänk en guetscin vomene sportlade gschänkt (sie isch en richtigi sportskanone:D) und so en lustigi chaarte mit ganz viel schriebfehler dine;)

Meaveen

classmates

am abig bini de mit de nini (ooh wunder), em määdi, em kari, em schibli und em dääni an Watsons Bay go znaacht ässe;) hend zwar en eewigkeit brucht bismers det anegschafft hend:D aber s isch meeega fein gsi (& au em priis grächt gsi !!!!! (; ) hend diräkti ussicht ufd Sydney skyline gha und hend en wuunderschööne sunneuntergang chööne gnüsse:)

und daaaaaaan.... EXAMS !

haha jaja, isch gar need soo tragisch gsi wieni denkd han, am samstig morge früeh us de fädere und dene ab id Navitas ide City.. s isch zwar no ahsträngend gsi, und cha ned wüürkli sege wies gloffe isch, aber immerhin hanis jetzt hinder mir:) eimal meh isch mich d nini go abhole Küssend und mir sind de mit x-lüüt vo minere klass und de andere öpis go trinke und dene hend d nini, de pascal, de stefan, d tanja und ihre fründ de simon, d nadine, de ramon und de caue zeme znacht gässe;) mhmmm guet gsii:) 

und im diräkte ahschluss simer dene is abercrombie (so en club wo nachem schibli meeega toll hed söle si..) gwatschlet, womer dene mal dete gsi sind und uf de michi, d lovisa, d michelle und und und.. hend dene dete spaar komischi dütschi, australier und was au immer troffe bis den wiedermal alli gange sind bis uf d nini und ich. hend de nach lange überlägige entschiede doch ned id Chinese Laundry zgah, will halt scho 3 gsi isch, de simer de nochli go umetänzle und de in mac go en mitternachts imbiss hole, womer de wieder hend wele gah hemmer bimene geldautomat en australie troffe wo düütsch hed chööne:D de simer halt mit ihm nomal zu sinere kollegin in mac ine gsässe und hend grad no zmorge gässe, sisch meega lustig gsi mit em Blake und de Courtney.. sie zeiged euis jetzt de donnstig nochli Sydney, ned touriis ort und so;) wird sicher wieder ein spaass Lachend

am sonntig isch de sowiit gsi zum züügle, voll truurig gsi d gastfamilie zverlah, bi mit mine 7 sache (chamer wörtlich neh, ha nämli 2 köffere gha und 5 säck zum uf Manly schleppe..) zude schuel und hami dete mitem jouni (robinson crusoe nachere wuche neuseeland ohni rasiere, aber gseht echt toll us! Lächelnd) de nini und em mädi troffe:D de hemer nacheme ziitli uf de bus warte es taaxi gnoh und sind ab zum beacon hill uf manly ih euisi wohnig Cool (inkl. poooool) d owner vom huus sind 2 zuckersüessi immigrante vo holland:D  und s isch echt en traum da, mer chöcherled jetzt immer fein und liged de ganz tag am pool (hend chli zlaang an strand;) ) und sind scho bruuuun wuurde, nach 2 täg CoolLachend

ich mit mine 7 saache;)

und jetzt gihds de bald nachos zum znacht (vom mädi und em jouni gmacht) wuhuhu

wüünsch eui ganz en schöni ziit und bis baald

 

Und da no es suuper Lied womer immer ufem Roadtrip glost hend:)

Whale Watching, Blue Mountains, Stereosonic

03Dez2013

Hallo ihr liebe ;)

Es isch wieder mal scho eewigs her sit ich de letst Blogihtrag gmacht ha.. muen grad chli überlegge was sither passiert isch ;) 

Ahgfange heds mitere Wuche Schuel, inklusive 2. Mocks woni au (meh oder weniger) erfolgrich bestande han Lächelnd

de Donnstig hed allerdings no en extra erwähnig verdient ;) de abig hed nämli de Nina ihres Portemonnaie um 200 dollar erliechteret (oder söts no), plus hends die einte für ca. 5 minute is Ivy gschafft Cool, was allerdings en rechti leischtig isch, wemmer bedänkt dases anderi ned mal bis zu de Worldbar bracht hend:D (Näme werded anonym behandlet)

Am Samstig vorere Wuche bini den as Whale Watching - oder has uf jedefall vorgha. Will es sind den doch ned ganz esoviel Wäähl uftaucht, gnauer gseit keine Stirnrunzelnd & d Nina und ich hend d Schifffahrt au susch ned soo meega chöne gnüsse wiemer erhofft hend, die riiese güümp wos Schiff immer über d Welle gmacht hed sind grad chli extreem gsi:D aber hends den doch auno miteme (Gratis!-) Wasser, Guetzli undeme Chozsääkli (glücklicherwiis hemmer kei Gebruch devo gmachtCool) heil überstaande;) aber ja, hed de halt 1,2 schöni Bilder vom Meer & de Passagier geh;)

Am Sunntig sind d Nini, de Jouni, de Schibli und ich den früeh us de Fädere ab in Featherdale National Park und id Blue Mountains.. dasch au eis fäscht gsi:D bis mirs nur mal bis ad Central Station gschafft hend vode Bondi Junction hemmer ca. 1h brucht (normal ca. 20 min), hend d Station verschlaafe und sind de halt bizli wiiter gfahre als erwartetReingefallen jääno, chan ja maal passiere (oder au 2mal..) uf jede fall simer den im Featherdale gsi und hend det oohni endi chöne Koalas, Kängurus, Emus und so wiiter streichle & füettere Cool

seehr heerzig gsi;) & willmer de ja grad so in fahrt gsi sind simmer wiiter uf Wentworth Falls zude Blue Mountains. Womer euis den det im Dörfli nachem Weg zude Falls erkundigt hend, sind dLüüt grad chli verschrocke das mir am Namittag am 3 euis no uf de Weg zu dene wend mache wills ahgeblich so lang gahd. Und die hend euis de chli en Schrecke ihgjagt wos gfrögt hend öb mir au Wasser debi hend..Unentschlossen aber hemmer ghaZwinkernd also hemer de Charles Darwin Weg in ahgriff gno und sind ca es Stündli dur d Wildnis gwanderet bis zude Mountains und em Wasserfall. Ich echt zimli atemberaubend gsii ;) und den de gaanzi gspass zrug :D Und wasi jetzt völlig vergesse han z erwähne isch natürli das mir d Haltestell in Wentworth Falls au verschlafe hend - klar gsi Unschuldig de meh oder weniger ahstrenged Tag hemmer de no mitem Dääni ih euisere chinesische Pizzeria usklinge lah.. mhmmm leckeer:D 

Under de wuche denki mal isch den nüt spektakuläärs passiert ussert s Käfele - as usually ;) Ussert dasmer am Dsischtig mitem Partybus vo Bar zu Bar sind und dene im Trademark Geordie Shore Crew gseeh hend ;) Yeeaay (Nina wünschti sie hetis det scho bemerkt..)

& am Donnstig bini no mit de Nini D Harbour Bridge go überquere;) au sehr empfehlenswert. Am Abig heds den no mitem Däni, em Jouni und de Nini es gmüetlichs Bronte BBQ geh:)

Jaa, und den isch entlich das groosse laang erwartende Stereosonic Wuchenend cho..Cool cha gar ned so viiel verzelle ussert dases echt guet gsi isch:D Natürlich gihds au vo dem Wuchenend wieder es Highlight,

dasmal isches: Nina kommt gratis (anstatt 240 dollar) as Stereosonic !

wie: Jonas & Carmen finden Samstag abend ein Armbändeli:D

Fazit: WuhuhuhuhuhuhuhuhuCool


Und es sind au scho die erste Speaking Exams vode Proficiancy und de First Lüüt verbii Lächelnd negst Samstig bin ich den au draa;)

Und gester isch weder en Tragödie passiert Stirnrunzelnd isch im Westfield über Mittag en Mah gsturbe, vermuetlich ischer vo eim vode obere stöck abe jumped. S isch aber ned so gnau klar..

Sodeli, das wers mal wieder gsi vo Downunder;) hoffe bi eui laufts au guet (im SchneematschUnschuldig)

Biis baald

P.S.: Wiener villich gmerkd händ hani usegfunde dasmer so kuuli format ihstellige cha mache bim Blog, 1 froid hani Cool

P.P.S.: Happy Graduation Jouni & Nici (& all Proficiancy Lüüt)

Karma ? - Roadtrip

18Nov2013

Hallöchen

Jetzt isches also echt scho eewigs her sitem letste Ihtrag Unentschlossen Ziit gahd eifach viel zschnell ume:( Wuche 9 hed scho ahgfange...

Aber muen ja einiges nahole, drum gahni mal zrug zu Wuche 6/7.. 1 riiise Highlight isch de Melbourne Cup gsi.. es Pferderenne wo halb Australie still leid und sich all nurno uf das Renne konzentriered und wette mached. Drum simer natürlich mit de Klass anstatt id Schuel is Balcony gange und hend dete de Melboure Cup gluegt. Mini beide Pferdlis "Royal Empire" und "Tres Blue" hends leider nöd bis ad Spitze füre gschafft, aber es heisst ja immer: debii si isch alles Cool (check !) isch en laange tag gsi, sind aschlüssend nachem Balcony womer ade Trivia Night (Quiz-Abig) mitgmacht hend direkt in Trademark und hend dNacht usklinge laah. ;)

Wasi ganz vergesse han z'erwähne isch natürli em Schibli sini aaweseheitZwinkernd er isch jetzt auscho sit 2 Wuche s Aussie-Läbe am gnüsse.. aber meeh zu ihm spöter:D Gnauso de Dani woni am Strand kenneglernt han (zum 2. Mal..), aber au über ihn wird no meh nacher choo...

Am Donnstig druf bini den nach de Schuel mitem Jonas, em Mäde, em Kari und de Nici uf euise 1. Skytrip uf MelbourneCool am Fritig hemer den en Stadttour gmacht, und dasmer au ja nüd verpasset (wägem Rege) hämmer denkd mir hoked in $5 Tourbus und cruised 2x rund um Melbourne. Die meeh als agnehme 2-3 Stund hemmer de mitem Kafi, Shopping (vode Nici & mir) und em Spielland (Kari, Mäde, Jonas) abgschlosse. De Sunneuntergang hemmer ufem Eureka Tower (Skydeck 88) gnosse, plus hemmer die seehr gfüürchig Edge überlebt (aso alli bis uf d Nici, sie heds gar ned versuecht:( hed sich nacher aber als schlau usegstellt wils hald ned ganz so gfürchig gsi isch wiemers euis vorgstellt hend:D ) und zum Schluss hemmer euis den auno es feins Italienischs znacht gönnt (bevormer wieder ih euises mit 5 Franzose teilte Backpacker Hostel Zimmer sindLächelnd)

de ahfänglich Elaan und d Freuid sind den relativ schnell vergange womer am Samstig hend wele s Auto fürd Great Ocean Road abhole - mir hends nämli nach ca. 20 min warte ned becho :/ - und es chund no besser, natürli hemmer für de Abig au keis Hostel buecht gha. Zämegfasst hed das bedütet: Kein Auto, kein Geld, Obdachlos - Yeay. Aber alles schlechte hed natürli au weder sini guet Siite Zwinkernd Mir hend es absolut tolls Kafi gfunde mit meega feinem esse (und Kafi natürli), det hemmer spaar Stündli verbracht mit Unterkunft sueche, bismer euis entschlosse hend nöm ines Hostel zgah, sondern grad es ganzes Apartment zbueche:D und das isch suuuper gsi;) meega herzig ihgrichtet, suuber und mitere perfekte Lag zwüsche Melbourne City und Flughafe;) dete hemer also euisi räschtliche 2 täg mit Choche, ässe, TV luege und schlafe verbracht, s Karma heds dochno guet gmeint mit euisUnschuldig

Und den isch scho bald wieder donnstig gsi und mir (Nina, Jonas, Michi, Schibli & Dani) sind ab zude Jucy Cars und los richtig Jervis Bay gfahre (euises Ziel nachem Surfcamp:D) zum Surfe hemers aber ned gschafft, Kiama hed euis ufghalte:D es seeehr herzigs Dörfli oder Städtli miteme Lüüchtturm (fürd Schiff, Nina) und eme schöne Camping-Platz.

 

Kiama

Det hemmer den also euisi 1. Nacht nacheme feine BBQ verbracht und sind den am nägste Morge richtig jervis Bay ufbroche und det im Nationalpark chli an Strand, en 4.9 km lange Spaziergang go laufe und viel wildi Tier ahluege, unter anderem es Wallabe, sehr selteni Schnabelstacheligel (mer hend ganzi 4 gseh.. demnach doch ned so selte) und schwarzi Schlange Überrascht (seehr en panische Moment gsi für d Nina und mich wilmer de 4.9 km Walk uf eigni Fuscht gmacht hend und so leider kei starchi Männer ah euisere Siite gha hend :S) aber au das hemmer überlebt und sind de spaarmal im Nationalpark hin & her gfahre bismer usegfunde hend wie und wo mir chönd übernachte:D und das isch den so richtig Junglecamp mässig gsi, zmizt im Wald mit Opossums, Kängurus und x anderne (Chrabel-)Tier.

 

Ninii <3

Go Rägne ischs den leider auno cho, was euis den dezue bracht hed richtig Batemans Bay id Sunne zdüüse.. Ufem weg simer no imene süesse Fischerdörfli go es Käfeli neh und hend en Drive-In Liquor Store gfunde, womer natürli hend müese go ahluege. En Bsuech imene "Bowling-Center" hemmer auno gmacht, bis zum Bowle ischs aber nie cho wills euis relativ böös ahgstarrt und gmeint hend, wenns rägned chamer ned Bowling spiele... also simer zackig wiiter en Camping-Platz go sueche.

Drive-In Liquor Store

Die Nacht hemmer den in Batemans Bay verbracht und sind den am nägste Tag wiiter nach Canberra wilmer die glorrich Idee gha hend d Hauptstadt go ahluege.. Es isch den doch ned ganz soo spektakulär gsi wiemer denkd händ, wilmer nach ca. 1h ide "Stadt" umelaufe immerno kei Kafi gfunde hend wo entweder offe gsi isch oder überhaupt existiert hed. Aber ja, Canberra isch architektonischLachendCool gseh schön.

Dasmer hüt ned zwiit hend müese heifahre simer den nach Canberra richtig Goulburn gfahre und hend euis det en Platz zum pfüüsele gsuecht:D Nachem Marshmellows brötle simer den au relativ rasch go schlöfle und hend euis de hüt morge nach eme Rüehrei (us 12 Eier, wie jede Morge) und Fleischbölleli Verschlossen uf de Heiweg gmacht :((

 Roadtripppers :D

de Gaanz trip isch wiedermal viiel zu schnell umeWeinend aber isch echt Weltklass gsi;D Und no zum Schibli undem Dani: haha das sind 2 gaanz tolli mitschüeler ade navitas wo zu euis gfunde hend und echt (!) meega luschtig sind:D

Zum Schluss: über das Wucheend wo mir jetzt grad euise trip gmacht hend heds in Sydney meega grägnetCool und dSchuel hed das ned usghalte. S Hed grad es Loch ide Decki geh und Spaar Zimmer gfluetet, jetzt müend de Teppich und d Decki usgwächslet werde.. Mal luege weli Zimmer dases troffe hed.. ;)

Bis denn vieel Spass eui:D

Carmen

Haaallloooooweeeeen

30Okt2013

Hallöchen ;)

Phuuu, PC isch wieder ganz;) und drum hani denkd mueni mi so schnell wie möglich wieder anen neue Blogihtrag mache:D

Weiss scho gar nüm wasi als z'verzelle hanUnschuldig ich glaub letst Wuche isch sehr seriös gsi wilmer euisi Mocks gha hend (Ersti Test Prüefige wie den echt zum luege womer ungefähr staht). Das heisst mir sind nie richtig lang use bismer euis de am Donnstig wieder nüm hend chöne zemerisse:D Ich bin zersch mit de Nina in Hyde Park an Night Noodle Market chli go Noodles ässe;) und dete hemmer den au endlich de Roman troffe:D isch es tolls wiedersehe mit ihm gsi;) und er hed au scho die ganze Navitas lüüt kenneglernt.. uf jedefall simer den - nachdem ich min M-Budget Kaugummi Nachschub becho han:D - mitem Roman zu euis id Junction is Cock'n'Bull gfahre wo scho meeega viel Mitschüeler gsi sind. Det hemmer den de Abig verbracht bismer nurno d Nina, de Luca, de Jonas, de Pascal und ich gsi sind:D Oh wunder, wür ich mal sege:D d Nina & de Luca händ ihri Dancemoves langsam immer besser im Griff... (jajajaj Nina)

Am Fritig hed den mini Klass no de letsti Mock Test gha (anderi Klasse hettet alli Tests den gha, Jonas:D) und nacher isch wieder mal es Supertolls BBQ am Bronte gsi, inklusive Roman & Geburtstagstorte vom Steven :D mhmmmm und em Louping LouieCool es absoluut tolls Chinderspieli:D am Schluss simer den no ca 5. gsi wo bis am 8-9i ide Hütli gsesse sind und Reste vergrillt hend (Sojasprosse & Pilzliii :D)

Am Samstig sind den die meiste in Morisette Park go Känguru streichle, bis uf d Nici, de Jonas und mich. D Nici und ich hend denkd mir leged mal en extrem Morge iih und gönd ih 2 Fitness-Kürs:D Bis am dsischtig hendmer mini Bei no meeeega weeh tah vom Body AttackZunge raus Nacher hemmer euis devor es feins zMittag mitem Jonas gönnt und sind den z3e uf Paddington chli go umeluege und de no an Bondi Beach chli go sünnele;)

Bondi Beach

Am Abig heds euis weder is Cock'n'Bull zoge, und d'übrig blibsel sind den d Nina, de Jonas, de Michi (!, ned Luca) und ich gsi:D mir hend denkd ouh wow, gömmer no is Beach Road, das hed den aber zue gah :( und den simer halt is Bondi Hotel und den mal heigloffe (immer s'Lustigste am ganze AbigZwinkernd) und hend det no spaar zwüschehält bi Bananebäum, Taflene, Tankstelle, Australier und Alan & Filipe gmacht:D Amüsant halt.

Nadine & Ich im Cock'n'Bull Nineli & ich au im Cock'n'Bull

Am Sunntig sind den dNici, dNina, de Jonas und ich de gaanzi Tag an Bondi go sünneleCool ganz gemütlich:D und s Nineli und ich hend den grad no de berüehmti Sculpture by the Sea Coastal Walk vom Bondi zum Bronte Beach gmacht:) gaanz süess all die Skulpture:))

<3 poser Nina Sculpture by the Sea:)

Am Mäntig heds den weder gheisse ab id Schuel;)) und will ja mis MacBook no sgfühl gha hed es mues schnell de Geist ufgeh hani am dsischtig 2h dörfe in Apple Store hocke und Dümli dreihe.. ha Wörtli glernt;)) 

Den isch d Halloweeen wuche choo;) mir (nina, mäde, nadine & michi) hend euis aber ned verchleidet ( ich weiss, voll schwach:D ) und sind defür am fritig go gmüetlich znacht esse bi euisem tolle Italiener und den in Home Nightclub go Halloween fiire mit dene wo vorher scho uf de Boatparty gsi sind.. isch den en lange abig wuurde für d Nina (& de Ian) und allne anderee;)) aber toll gsi. und hüt hemer euis naürlich ned vomene gmüetlech Strand tag abbringe laag, trotz de Nebelschwade über Sydney:(( hoffemer wird bald besser mit dene Bushfire..

Nadine <3 Jonas & ich :)) buuubiis

Freui mi eui bald weder meeh chöne zverzelle ;) am 7. November gahds ufen Usfluug (.....Roadtrip), den werdeder sicher spaar spannendi Sache erfahre;)

XX Carmen

Kaputts MacBook:((

28Okt2013

Hallo ihr süesse:D Leider gihds die Wuche nur en ganz mini Ihtrag ohni Bilder und alles:( Carmen heds fertig bracht (weiss gott wie...) das ihres schöne, gliebte MacBook de Geist ufgeh het:(( Ha aber für morn scho en Termin bim AppleStore usgmacht:D Ich hoff jetzt mal sBest, daser bald wieder uf de Bei isch! Drucked d'Düme;)) Wird mich so bald als möglich mit alles drum und dra wieder melde;)) Cheers Carmen :D

Trademark, Ivy, Sealife & Manly

21Okt2013

Hallo mitenand:)

Es gahd eifach viel zschnell, de 1. Monet isch scho verbii:(( Aber au die Wuche isch weder super gsi..Zwinkernd

Es hed ahgfange dasmer nach de Schuel immer wieder chli go käffele sind (wie scho eh & jeh;)) und de am Dsischtig und am Donstig no in Usgang sind. Am Dsischtig heds euis nachem BBQ vode Schuel z 4e in Trademark gfüehrt, isch zimli eine vode beste äbig gsi bis jetzt;D (chan s Nineli bestätige..) und am Donnstig hemmers den äntli gschafft is Ivy zgah :D es isch würkli no speziel, aber d Hauptattraktion wird wahrschinli de Pool ufem Dach si.. aber ebe, es isch eher so en Kitsch-Club :D aber wird sicher weder mal gahUnschuldig Ah und apropos BBQ, es isch meega toll gsi:D & ha sogar Känguru gässe.. mhmmmm Zwinkernd

ja de Carmen eri neui Liebi:Dganzi BBQ-CrewNachem BBQ im Balcony :)Jonas, Nici & ich im Ivy

Am Fritig bini de nur mit de Nina, em Mäde & em Jonas is Cock'n'Bull chli go pläuderle;) ganz gmüetlich wili am Samstig morge mit de Nici & de Joëlle is Fitness binCool ergend so en Bodyattack-Kurs oder öpis:D aber isch echt toll gsi! und de simer grad ahschlüssend nacheme Teeli mit x-Lüt is Sealife, was sich leider chli als Reinfall usegstellt hed:( die $38 Ihtret sinds egendwie ned so Wert gsi, aber mer heds halt au müese gseh:D uf jedefall hend den dNici, dNina & ich de Tag weder chli grettet indemer euis mit Shoppe tröstet hend:)) au wenns nur es mini shoppe gsi isch. und de hemmer euis wieder mit euisne 10 wiitere Lüüt troffe und hend bimene Italiener fein znacht gesse;) und zum schluss hemmer de no s Wöchentliche Füürwerch vom Darling Harbour ahgluegt;) meeega toll gsi!

Darling HarbourLudi, Oli, Nici, Hanna, Kari, Nina, Jonas, Caro, Mäde & ich ;)SealifeFüürwerch

Und de simer den auscho hei wilmer euis (Nici, Nina, Jonas & ich) am Sunntig wieder früeh am Morge troffe hend zum uf Manly gah und det am Strand bruun zwerdeCool (au bizli rot...) aber Manly isch echt toll, simer sicher ned s letschtmal gsi :)

Spaaziiis Manly Beach

Aber au dSchuel chuund ned zchurz :( haha, hend die Wuche Mocks (so Probe Prüefige), dass heisst viel lerne & kei Usgang:) & falls ihr no nüd devo ghört hend, um Sydney heds grad meeega schlimmi Bushfires - kei Angst, bi euis isch alles no im grüene Bereich - aber mir merked natürlich scho das was losch isch. Meistens ischs jetzt benebelt, es stinkt und dSunne isch knall root.. hoffe mer sBest für d Aussies!

Schuel mit Nadine & Mäde Uswirkige vode Waldbränd

Und s Beste chund am Schluss ;) Freui mich riesiig uf Morn! den chund eentlich min erste Teil Heimat aah;) de Roman:D wuhuhuhu hoffentli mager den no an Night Noodle Market cho im Hyde Park;) aber ja, ihr werded gseh wie gloffe isch bim negste BlogZwinkernd

Love CarmenKüssend

 

Ah und demit d Mama jetzt auno es Bild bechund;)

Mom: Es Seepferdli ;))

Seahorse for Mom

Bild vode Wuuuche vo mim Schaziilein ;) <3

Ninalein <3

Taronga Zoo, BBQ, Beach, Sun & Fun

13Okt2013

Hallo Cool

die Wuche isch suuper gsi:D gihd aber ehner en churzfassig willi recht viel Bilder vom Taronga Zoo gmacht ha und ich eui spaar vo dene will zeige Lächelnd

Ich han eui da mal es foti vomene feine Kafi gmacht:D das ihr au gsend wieso de soo guet isch:D 

Cappuccino <3

Am dsischtig abig bini im Trademark gsi in Kingscross, en Club mit toller Musig wo em Dave meega wür gfalle (allgemein dMusig ide Clubs wer was für de Dave;) ), mit de Hanna bini den schochli früehner use als d Nici und de Jonas, und wer hemmer verpasst -.- De Strubelhaar-Sänger vo LMFAO :( aber isch nur halb so tragisch willi ja mal amene Konzert gsi bin, aber s chund no besser:D am Donnstig - de berüehmti IVY abig - D Nina, Nici und ich sind natürlich ned gange wilmer denkd hend mached euis mal weder en gmüetliche abig, was sich den wiederum als zimli dumm usegstellt het, will D Rihanna es bsüechli im IVY abgstattet hed und det in Usgang isch - und alli hend sie gseh ussert mir:D also müemer nechst Wuche fasch is ivy, susch verpassemer de weder öpis;D

Nici, Hanna & ich

Apropos Donnstig: es isch ganzi 39° gsi, und willmer da ja eh in Australie sind, hemmer denkd mir nemed Hitzefrei und gönd mit spaarne vode schuel an Bronte Beach und mached es richtig grosses BBQ:) es isch suuper gsi will ned nur s BBQ sondern au d Welle riesig gsi sind:D und bim ichaufe simer amene Pringles-Gwünnstand verbigloffe: de Kari hed sis Beschte geh bim balanciere vonere Pringlesschachtle und den hemmer grad 11 (:0) Pringles Schachtle überchoo:D:D:D

Hamburger Grillmeisterin Nina! Veggi-Food vode Nina & Hanna 10 Pringles, Mäde & Nina Jonas, Mäde & ich Kari am balanciere ;)Mise-en-place :D

Am Mittwuch hani den de Nina & em Jonas müese d Auge öffne zum zeige wie fein eigentli Frozen Yogurt isch;):

Hanna & Nina Hanna, Jonas & ich Frozen Yogurt

Nach de Schuel am fritig bini mit de Nina & em Jonas go euisi Gratis Sache im Ripcurl Store go hole;) isch en seehr amüsante Trip id Stadt gsi (ned verwunderlich wemmer d Nina debi het;)Küssend)

Nineli & Jonas am pouse ;))

Und amene abig bini aumal no mit de Nina ine Bar, und sie heds mer fascht ned wele glaube, aber Rekorderlig isch meeega fein:D

Nineli & Ich

Am Samstig simer den in Taronga Zoo:D am Morge hemmer zersch scho gmeint mir heged d Fähre (danke jonas;)) verpasst - hemmer aber knapp ned;) und den hemmer en meega schöni Ussicht uf Sydney gha: Harbour Bridge, Opera House und die ganz Skyline uf ein BlickLächelnd leider hemmer aber d Koalas grad nüm chöne go streichle und hebe will churz vor euis grad no die letst Gruppe drahcho isch-.-Weinend defür hemer aber no en Seeloie Show gseh, ganz herzig wie sie umegumped und gsprunge sind:)

Nineli & Carmen uf de Fähre Nici & ich am umeblödle:)) lovies   :D michii Mäde Beauty-Shot Nici :D Beauty-Shot Nina :) Sydney Opera-House  lovies Nadine & Ich :D hahahaha Nineli & ich all in 1Gorilla Pfau jöö lieblingsbäär Kangaroo-Jack

Und hüt bini de no mit de Nici id Stadt chli go shoppe und de zeme mit em Jonas no an Bronte Beach go Bruuun werdeCoolZwinkernd (chund langsam guet:D ) & es hed en meega schöne sunne untergang geeh:)

Hyde Park Bronte Beach

ahh und wasi fascht vergesse han isch natürlich d Sweet 16 Party vom Josh (Gastbrüeder). Ich bin mit de ganze Causer Family und ihrem Ahang:D go Pizza und uuu feine Schoggichueche esse. Isch no recht amüsant gsi:D

Also mini liebe, jetzt mueni grad chli pressiere damiti no cha mit dem Mami&Co Skype (Grosi fiirt Geburi;))

See youKüssend

 

P.S.:

Als Abschluss gihds no für einzelni Persone Bilder wo mi a sie erinneret hend;)

Dave & Barbara: en riiiiiiiesige Nespresso Store;)

Nespresso, what else?

Pipo: en waaahre Ben & Jerrys Store ;)

Ben&Jerry's

Papa: die Weltbeste Potatos :)

mhmmm vode Opera Bar

Salome & Noemi: euies potentielle neue Liebligsgetränk:D & Frozen Yogurt <3

Pink Passion PopFrozen Yoguurt

Surfcamp, Beach Road Bondi, ... :)

07Okt2013

Hallooo Zwinkernd

Min 2te Blogihtrag isch jetzt fasch es bizeli verspötet:) aber isch halt leider ned vorher gange wegem Surfcamp am 7 Mile Beach in Gerroa.. aber fangemer doch bi ahfangs Wuche ah:)

Grundsätzlich isch ned viel passiert, am morge id Schuel und de wieder hei oder es kafi (Cappuccino) go trinke:) Carmen heds amigs fertig bracht, en Macchiato zbstelle und hed gmeint sie bechund so en richtig feine, GROSSE kafi - nur leider ischs ned ganz das gsi wo sie sich vorgstellt het:( und d nina hed natürlich weder ere Spass debi gha, mich uszlache:D

Am Zischtig nach de Schuel bini mit de Nina no en Macchiato (-.-) go trinke, ufem heiweg hemer den en sehr freizügige mensch gseh bim Westfield umerenne und hend nochli zuegluegt wie d Polizei ihn hed wele ufhalteCool Amüsante Schuelabschluss gsi..

Nina & Carmen (Background: unbek. Mann)

Am Mittwuch sind recht viel vode Schuel, unter anderem Nina, Hanna, Rosi, Matthias,  Jonas und ich, is Beach Road Bondi. Sehr empfehlenswert: S isch im undere Stock en Bar (mit sehr gueter Musig) und im obere en Club (au gueti Musig da Daft Punk Tribute Show gsi ischCool)

Nineli, Hanna & ich v.l.: Jonas, Carmen, Remo:D, Hanna, Nina & Rosi

Am Dunnstig simer wie scho letscht Wuche go Free-Steak/Scnitzel esse;)) leecckerrr..  aber is Ivy (Club wo am Dunnstig immer Freiitritt isch) hemmers weder ned gschaft:( Eventuell negst Wuche, was villich au uf de Kippi staht wili bizli Chrank bin.. aber meeh dezue nacher;)

Matthias & Nina Nadine & ich

Am Fritig ischs eeendlich sowit gsi, s Cambridge-BBQ!Küssend mit de Nadine und em Caue bini no vorem mittag für euisi Klass go Hamburger, Sausages und so wiiter chaufe;) den simer zum Bronte Beach und hend det mit allne andere Klasse de Namittag verbracht. Mich hend d Sausages ned so ahgmacht Verschlossen, & will d Nici so en gueti isch und eri Klass sehr viel feini Zuetate (vo Tomate, Zwible bis zu Essiggurke, bi euis heds nur Salat geh:(... ) für d Burgers kauft hend, hed sie mir en meeeega feine Hamburger gmachtVerlegen 

Wil mir no hend müese fertig packe für Surfcamp, hend d Nici und ich s BBQ relativ gli verlah:( ..

BBQ mit Garlic-Bread :*

Und denne ab is Surfcamp Lachend, mir hends chum chöne erwarte;) D'hanna, nina, nici, nadine, petra, selina, ines, caroline, d rosi und ich hettet "fascht" no de Car zum 7 Mile Beach verpasst wil euis de 378-er Bus ade Bondi Junction eifach vor de Nase devo gfahre isch:(( aber es hed de zum glück doch no glangedCool und d Nina und ich hend sogar euisi Tomate-Spass gha bide hifahrt;)

Nina, Carmen & Cherry-Tomätli

s'Camp isch de hammer gsi! mega kuuli "Hüsli" und sehr schöni umgebig. S'Esse isch au guet gsi, s'einzige zum verbessere wer evtl, dases ned jede Tag Burgers gihd;) isch scho fasch nüm normal wieviel mir das Wuchenend vo dene gesse hend. Am Samstig und am Sunntig hemmer je am Morge und am Namittag en ca. 2h Surflesson gha;) Scho während de erste Lesson am Samstig morge hends praktisch alli gschaft ufem Surfboard zschtah und mit de Welle mit zfahre;) Es unglaublichs Gfühl..!Lächelnd und womer de am namittag wieder an Strand hend wele hemmer natürlich de Wetsuit ned döfe vergesse -.- en seehr müehsami Aglegeheit zum alegge, aber trotzdem sehr amüsant und halt wichtig. D nina hed bsunders freuid am Wetsuit gha:D Vermuetlich ihres Nr. 1 Chleidigsstück uf de Blacklist..Lachend Am abig simmer de is "Pub" ganz ide nöchi vom Camp gange. Womer den det gsi sind hemmer gmerkd dases meh es Restaurant mit Chindergeburtstag isch:D aber die gueti Livemusig hed trotzdem sehr spass gmacht:D

Carmen am Surfe

phuuu, de Sunntig Morge, es isch de Horror gsi vom Hochbett abe zgumpe, am ganze Körper hani Muskelkater gha vom Surfe, chuum grad chöne laufe hani meh chöne;)) aber das hed mi ned devo abghalte weder go Surfe zgah;)Unschuldig (immerhin am morge;)) d Welle hend zum teil recht lang uf sich warte lah, bis wieder mal 1 richtig gueti Welle cho isch, hedmer amigs fascht müese 10 Minute im Wasser ume tümple und paddle:D aber wemmer die richtig verwütscht hed, heds richtig Spass gmacht und mer hed chöne surfe bismer gstranded isch:) Nachem zmittag sind d Hanna, Nici, Nina und ich direkt an Strand go sünnele, und bädele (sogar ohni em Wetsuit simer is WasserCool) wills sooo schön gsi isch - und die ander Surfgruppe wo vor euis gsurfet hed gseit hed, dases fasch kei gueti Welle meh hed - hend d Nina, Nici und ich beschlosse mir gnüssed de rest vom Namittag eifach no ohni surfe und bädeled und sünneled defür umso meeh;) und hüt morge (Mäntig) isch eifach nurno en folter gsi ufzschtah:D und das für zimli jede vode Newcomer-Surfer. Jedi einzel Bewegig duet wehh, aber s surfe isches halt scho wert gsi;) und wenns nur das gsi wer, leider bini jetzt nurno im bett am umechränkeleVerschlossen hoffe wird bald weder guet;) d Heireis isch den Ruckzuck verbi und jetzt ligi wieder ih mim warme bettli (mit enere 2x2 Meter DeckiVerlegen)

Burgers vom Camp Euises Surflesson mit Jana Surfcamp Carmen am abwäsche ;) Nina & Ich Surfcamp

Mir ghöred euis sicher bald wieder, bis den en schöni ziit;)) 

Ah, mir hend no Zitumstellig gha. Im Moment bini 9h vorus, sobald ihr aber au umstelled sinds 10h;)

See ya

Week 1 - done

28Sept2013

Hallo mini liebe

Wie ihr eventuell wüsset binich für 4.5 Mönet am andere Ändi vode Welt. Will immer wieder d Frage nach Föteli und bisherige Erlebnis cho sind, hani denkd duenis mir vereifache und schrieb en Blog ;) (Idee chund vode Nina)

Sydney Airport

1 Wuche hani scho hinder mir, und die isch extrem schnell verbi. Nachdem ich 18h in Singapur am Flughafe verbracht han, und de ändlich nach fascht 3 Täg reise bide Causer Family acho bin, hani erscht richtig realisiert dasi weg bin vo allem gwohnte. S Gastmami hedmer grad d Schuel und d Oxford Street (Shopping paradies für jedi Frau und au jede Maa) und alles mögliche zeigt.

Room

Und dasi mi au grad ha chöne richtig as Aussie lebe gwöhne, heds grad am sunntig s erste Barbecue mit allem drum und dra geh. Wichtig isch: kei Frau chund em Grill au nur id nöchi! Zwinkernd

Und da ich ja richtig Oste gfloge bin, isch au de Jet-lag ned unbemerkt blibe Weinend (bis hüt heder noni wele verschwinde... -.-) jede morge verwachi am ca. 5 oder 5.30, per Whats App wird de natürlich gfrögt wieso ich scho wach bin, da ihr ide Schwiz ja 8h hinedrii sind. Aber s früeh ufwache hed au sini guete siite, ich muess kei Angst ha, dasi verschlafe. Was leider eh sehr starchi ahgwohnheit vo mir isch.Lachend Schuelstart isch zwar sowieso 10.25 :D, wili jetzt aber so früeh ufgwacht bin hani mi mit de Nina und de Nici am Bronte Beach zum Schwümme troffe (morge am 8.00h), very fresh!

Bronte Beach  Bronte Beach vl. Nici, Carmen, Nina Bronte Beach Pool

Tag 1 ade Navitas English Bondi: En eewig lange Test und e Rundfüehrig spöter isch de 1. Tag ade Schuel verbi und ich bin mitere neue Bekanntschaft (Nici Zunge raus) en üübertürte Salat (Alles isch tüür da :((. ) go esse und en chline Blick uf die Unmenge vo Läde werfe.

Tag 2 bis 5: Extrem viel neui Lüüt (hauptsächlich Schwizer, mit brasilianischer, holländischer und schwedischer Usnahm ;)) und ned zvergesse d Ameldig für as Surfcamp am 7 Mile Beach (*Vorfreude herrscht*) 

Dsischtig und Donnschtig im Cock`n`Bull de Abig am gnüsse (inkl. free-steak/-schnitzel mhmmmm)

Free-Schnitzel at Cock`n`Bulls

S`Highlight vo dere Wuche isch natürlich ganz klar dBoot-Party mit ahschlüssendem Club-Ihtrit am Fritig gsi. S Paar mal under de Harbour-Bridge, und am Weltberüehmte Opera-House verbi gfahre. Sehr schöni und atemberaubendi Moment gsi ;)

lovies Hanna

Aber will mer de D Stadt doch no hend wele bi Tagesliecht gseh, hend d Nici, Nina, Hanna, Nadine, Petra, de Jonas und ich entschiede am Samstig nomal verbii zluege. Bi euisem "Spaziergang" dur de Hyde Park simer unter anderem dur de Tyler Oakley und de Davey Wavey (2 sehr sehr berühemti You-Tuber hemmer nachere Google-Aktion festgstellt, leider no zwenig bekannt das mir wüsstet wer sie sind;) ganz Sydney-Jugend isch aber völlig usem Hüüsli gsi ;) )

Taylor Oakley & Davey Wavey 

dur eh Demonstration gege S Chridemal-Verbot uf de Strasse in Sydney und dur unzählige Hochziits-Fototermine total abglenkt gsi... Erholt hemmer euis devo ide Opera Bar womer en unglaublichi Ussicht gha hend ;)

Demo lovies Harbour Bridge Opera House

Die erst Wuche isch dur en gmüetliche und erholsame Abig, inkl. Mc und TimTam (Weltbesti Guetzli)-Verpflegig, am Bondi Beach

Bondi Beach

mit de Hanna, Nina und de Nici und emene verpasste Football-Spiel vode Roosters (Sydney) vs. Knights (NewCastle) z'End gange und somit au min erste Blog-Ihtrag. Ihr werded spötistens inere Wuche wieder vo mir ghöre, bis denn wünschi eui en schöni ziit.

XX CarmenKüssend

bye bye